پشاور ہائی کورٹ نے پشتون تحفظ موومنٹ کے رکن علی وزیر کی ضمانت منظور کرلی

پشاور ہائی کورٹ نے ضلع چارسدہ میں درج بغاوت کے مقدمے میں پشتون تحفظ موومنٹ اور رکن قومی اسمبلی علی وزیر کی ضمانت منظور کرلی۔

پشاور ہائی کورٹ نے صوبائی پولیس کو دیگر مقدمات میں گرفتاری سے بھی روک دیا۔ یہ احکامات دو بنچوں نے مسٹر وزیر کی الگ الگ درخواستوں کی سماعت کے بعد جاری کیے، جو 16 دسمبر 2022 سے جیل کی سلاخوں کے پیچھے ہیں۔

علی وزیر کے وکیل شیر افضل مروت اور ایڈیشنل ایڈووکیٹ جنرل عدالت میں پیش ہوئے اور عدالت سے استدعا کی کہ علی وزیر کی 5 لاکھ روپے کے ضمانتی مچلکے پر ضمانت منظور کی جائے۔

یاد رہے کہ رکن قومی اسمبلی علی وزیر پر ریاستی اداروں کے خلاف نفرت انگیز تقاریر کرنے پر چارسدہ میں مقدمہ درج کیا گیا تھا۔ علی وزیر کے خلاف مختلف تھانوں میں تقریباً انیس مزید ایف آئی آر درج کی گئی ہیں۔

اب پشاور ہائی کورٹ نے ان کی ضمانت منظور کرتے ہوئے پولیس کو ان کے خلاف مزید کارروائی سے روک دیا۔