پی سی بی نے دھند کے باعث دوسرا پاک بمقابلہ نیوزی لینڈ ٹیسٹ میچ ملتان سے کراچی منتقل کر دیا
پاکستان کرکٹ بورڈ (پی سی بی) نے دھند کے موسم اور پنجاب میں پروازوں میں تاخیر کے باعث پاکستان اور نیوزی لینڈ کے درمیان دوسرے ٹیسٹ میچ کو ملتان سے کراچی منتقل کرنے کا فیصلہ کیا ہے۔
ذرائع کا کہنا ہے کہ پی سی بی نے فیصلہ کرنے سے قبل نیوزی لینڈ کرکٹ بورڈ کو اعتماد میں لیا۔ انہوں نے دوسرے ٹیسٹ کی کراچی منتقلی پر کوئی اعتراض نہیں کیا۔ ذرائع کا کہنا ہے کہ دوسرے ٹیسٹ کے لیے وینیو کی تبدیلی کے حوالے سے پاکستانی ٹیم انتظامیہ اور کھلاڑیوں کو بھی آگاہ کر دیا گیا ہے۔
دوسرا ٹیسٹ ملتان میں 3 سے 7 جنوری 2023 تک جبکہ پہلا ٹیسٹ 26 سے 30 دسمبر تک کراچی کے نیشنل کرکٹ اسٹیڈیم میں شیڈول تھا۔
اس سے قبل نیوزی لینڈ کی کرکٹ ٹیم پاکستان کے خلاف دو ٹیسٹ اور تین ایک روزہ میچوں کی سیریز کے لیے جمعرات کو کراچی پہنچی۔ نیوزی لینڈ کی ٹیم کو پاکستانیوں نے روایتی انداز میں سندھ اجرک بطور تحفہ دے کر خوش آمدید کہا۔
بلیک کیپس ٹیسٹ سیریز کے اختتام کے بعد 10 سے 14 جنوری تک کراچی میں تین ون ڈے میچز کھیلیں گی۔
