جو ہمارے خلاف آئے گا اسے کچل دیا جائے گا، نئے تعینات ہونے والے ڈی جی آئی ایس پی آر
نئے آرمی چیف جنرل عاصم منیر کی کمان سنبھالنے کے بعد پہلی تبدیلی میں میجر جنرل احمد شریف چوہدری کو ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) تعینات کر دیا گیا ہے۔
پاکستانی فوج کے میڈیا ونگ کے آفیشل ٹویٹر ہینڈل میں کہا گیا ہے کہ ان کی تقرری 6 دسمبر 2022 کو ہوئی تھی، لیکن ماضی کی طرح کبھی بھی سرکاری بیان میں اس کا اعلان نہیں کیا گیا۔
میجر جنرل احمد شریف نے چارج سنبھالتے ہی بنوں حملے کے پورے واقعے کا جائزہ لیا اور ان تمام دشمنوں کو خبردار کیا جو ملک میں عدم استحکام پیدا کرنے کے لیے کوشاں ہیں۔ ڈی جی آئی ایس پی آر نے خبردار کیا کہ ’جو ہمارے خلاف آئے گا اسے کچل دیا جائے گا‘
میجر جنرل احمد شریف چوہدری، جو اس سے قبل ڈی جی ڈیفنس سائنس اینڈ ٹیکنالوجی آرگنائزیشن (ڈیسٹو) کے عہدے پر تعینات تھے، نے میجر جنرل بابر افتخار کی جگہ لی ہے جنہوں نے جنوری 2020 میں لیفٹیننٹ جنرل آصف غفور سے یہ عہدہ سنبھالا تھا۔
میجر جنرل افتخار نے مارچ 1990 میں 6 لانسر میں کمیشن حاصل کیا تھا۔ کمانڈ اینڈ سٹاف کالج کوئٹہ، نیشنل ڈیفنس یونیورسٹی اسلام آباد اور رائل کمانڈ اینڈ سٹاف کالج اردن کے گریجویٹ ہیں، انہیں پاکستان کے اندر کمانڈ، سٹاف، اور تدریسی کردار کا نمایاں تجربہ ہے۔ فوج
جنرل افتخار نے پاکستان ملٹری اکیڈمی اور نیشنل ڈیفنس یونیورسٹی اسلام آباد کی فیکلٹی میں بھی خدمات انجام دیں۔
یاد رہے کہ نئے تعینات ہونے والے چیف آف آرمی سٹاف جنرل عاصم منیر نے اپنا پہلا بڑا ردوبدل کیا، جس میں کور آف الیکٹریکل اینڈ مکینیکل انجینئرنگ (EME) سے فوج کے میڈیا ونگ کی قیادت کرنے کے لیے حیران کن انتخاب کیا گیا۔
