سعودی حکومت نے عمرہ زائرین کے لئے اہم ہدایات کردی
سعودی عرب نے رمضان المبارک کے بعد عمرہ کرنے والے زائرین کے لئے اہم اعلان کردیا۔
رمضان المبارک کے بعد عمرہ کے خواہش مند مسلمانوں کے لئے الیکٹرانک پرمٹ حاصل کرنا لازمی ہوگا۔
سعودی وزارت و حج وعمرہ نے اس ضمن میں کہا کہ اجازت نامہ نسک یا توکلنا ایپس کے زریعے جاری کیا جاتا ہے۔
یہ وہ ایپ ہیں جو عمرہ کرنے یا سعودی عرب میں مقدس مقامات کی زیارت کے خواہشمند مسلمانوں کو ضروری ویز ے اور اجازت نامہ حاصل کرنے کے ساتھ ساتھ متعلقہ پیکجز کو الیکٹرانک طور پر بک کرنے کے قابل بناتا ہے۔
سعودی حکام نے ای پرمٹ حاصل کرنے والے زائرین کو پابند کیا گیا ہے کہ وہ کووڈ سے متاثر نہ ہو اور عمرہ پرمٹ حاصل کرنے کے بعد کرونا میں مبتلا افراد کے ساتھ رابطے میں نہ ہو۔
واضح رہے کہ گذشتہ چند ماہ میں مملکت نے بیرون ملک مقیم مسلمانوں کے لئے عمرہ ادائیگی کے لئے مزید نئی سہولیات فراہم کیں ہیں۔
ان میں نمایاں مختلف قسم کے ویزے رکھنے والے مسلمانوں کو ذاتی، وزٹ اور سیاحتی ویزے کے حامل افراد کو ای اپوائٹمنٹ کی بکنگ کے بعد عمرہ کرنے اور الروادہ الشریفہ جانے کی اجازت بھی شامل ہے۔
یہ(الروادہ الشریفہ ) وہ مقدس جگہ ہے جہاں نبی پاک ﷺ کا مقبرہ مبارک ہے۔
اس کے علاوہ سعودی حکام نے عمرہ ویزہ کی مدت بھی تیس دن سے بڑھا کر نوے دن کردی ہے اور ویزہ ہولڈر کو تمام زمینی ، ہوائی اور سمندری راستوں سے مملکت میں داخل ہونے اور کسی بھی ہوائی اڈے سے جانے کی بھی اجازت دے رکھی ہے۔
