آڑو کھائیں ان بیماریوں کو دور بھگائیں

گرمیوں میں پھلوں کے بادشاہ آم سمیت کئی طرح کے پھل جلوہ گر ہوتے ہیں جو کہ اپنی افادیت رکھتے ہیں ان میں آڑو بھی شامل ہے، جس میں قدرت نے بے پناہ خواص چھپا رکھے ہیں۔

آئرن، میگنیشیم، پوٹاشیم، کاپر، زنک اور مینگنیز سے بھرپور اس پھل کے استعمال سے انسانی صحت پر کیا اثرات پڑتے ہیں چند اہم درج ذیل ہیں۔

کولیسٹرول اور ہائی بلڈ پریشر کا دشمن

آڑو کے استعمال سے کولیسٹرول اور ہائی بلڈپریشر کی سطح کم جاتی ہے، یہ پھ؛ کھانے سے پوٹاشیم کی قابل ذکر مقدار بھی حاصل ہوتی ہے جو بلڈپریشر کو قابو میں رکھتا ہے اور کولیسٹرول کی سطح بھی بڑھنے نہیں دیتا۔

بہترین اینٹی آکسیڈنٹ

آڑو وٹامن سی اور اینٹی آکسیڈنٹ کا بہترین ذریعہ ہونے کی وجہ سے کینسر کے خطرات کو انتہائی کم کر دیتا ہے ۔ اعلیٰ فائبر پر مشتمل ہونے کی وجہ سے آڑو بڑی آنت کے کینسر سے بچاتا ہے۔

ٹائپ ٹو مریضوں کے لئے نعمت

ایک طبی تحقیق کے مطابق آڑو ٹائپ 1 ذیابیطس میں اعلیٰ غذائی ریشہ کے باعث خون میں شوگر کی سطح کو کم کرتا ہے اور ٹائپ ٹو ذیابیطس میں بلڈ شوگر میں انسولین اور لیپڈز کی سطح میں بھی بہتری آتی ہے۔

آنکھوں کی بینائی بہتر کریں

آڑو میں جو سُرخ نارنجی رنگ کا مادّہ ہوتا ہے، اسے بیٹا کیروٹین کہتے ہیں۔ ہمارا جسم اس غذائی مادّے بیٹاکیروٹین کو وٹامن اے میں تبدیل کر دیتا ہے جو آنکھوں کو صحت مند رکھنے والا اہم وٹامن ہے۔

جلد کی تازگی

آڑو کی سخت گٹھلی اور آڑو کے پھول کو پیس کر اگر اسے جلد پر لگایا جائے تو جلد کی شگفتگی برقرار رہتی ہے اور بالائے بنفشی شُعاعوں سے جلد کو نقصان نہیں پہنچتا ہے۔

50% LikesVS
50% Dislikes

اپنا تبصرہ بھیجیں