جنگ زدہ سوڈان سے خصوصی طیاروں کے ذریعے پاکستانیوں کی واپسی شروع

جنگ زدہ سوڈان سے 427 پاکستانیوں کوخصوصی طیاروں کے ذریعے بحفاظت محفوظ مقام پر منتقل کر دیاگیا۔

جنگ زدہ سوڈان سے پاکستانیوں کی بحفاظت وطن واپسی کا پلان کامیابی سے جاری ہے، وزیراعظم شہبازشریف 72 گھنٹے سے جاری ہنگامی پلان کی خودنگرانی کررہے تھے ،427 پاکستانی بحفاظت پورٹ سوڈان پہنچ گئے جہاں سے وہ پاکستان پہنچیں گے ،427 پاکستانیوں کی رہائش، خوراک کاانتظام بھی حکومت پاکستان نے کیا۔

پاکستانیوں کی وطن واپسی کیلئے دوست ممالک اور خطے میں پاکستانی سفارتخانے مدد کررہے ہیں،وزیراعظم نے بلاول بھٹو، حنا ربانی کھر، وزارت خارجہ کے حکام، سوڈان میں پاکستانی سفیر کو شاباش دی ہے،وزیراعظم نے سربراہ پاک فضائیہ اور ڈی جی آئی ایس آئی کو خراج تحسین پیش کیا ہے۔

سوڈان میں جنگ کی وجہ سے پاکستانیوں کے انخلا میں مشکلات اور خطرات کاسامناتھا،حکومت پاکستان نے پاکستانیوں کے انخلا کیلئے محفوظ راستوں کاتعین کیا، پاکستانیوں کو گروہوں کی شکل میں خرطوم سے محفوظ مقامات پر پہنچایا جا رہاہے ،برادر ممالک سعودیہ، ترکیے اور مصر نے پاکستانیوں کے انخلا میں معاونت کی ،وزیراعظم شہبازشریف نے انخلا میں مدد کرنے پر سعودی، ترکیے اور مصر کی قیادت کا شکریہ ادا کیا۔

سوڈان میں محصور پاکستانیو ںکی سلامتی، تحفظ سے متعلق اقدامات کی نگرانی جاری تھی ،سوڈان میں پاکستانی سفارتخانہ محصور پاکستانیوں کے ساتھ مسلسل رابطے میں ہے ۔

50% LikesVS
50% Dislikes

اپنا تبصرہ بھیجیں