اسلام آباد اور پنجاب میں فوج کی تعیناتی کا نوٹیفیکیشن واپس لے لیا گیا

امن و امان کی صورتحال بحال ہونے کےبعد اسلام آباد اور پنجاب میں فوج کی تعیناتی ختم کرنے کا فیصلہ کر لیا گیا۔

چیف کمشنر آفس نے وفاقی دارالحکومت میں فوج کی تعیناتی ختم کرنے کیلئے وزارت داخلہ کو مراسلہ بھیج دیا، جس میں کہا گیا ہے کہ عوامی مفاد میں 10 مئی کا نوٹیفکیشن واپس لیا جائے، مراسلے میں مزید کہا گیا ہے کہ اسلام آباد میں امن و امان برقرار رکھنے کیلئے فوج لگائی گئی تھی، وفاقی دارالحکومت میں امن و امان کی صورتحال اطمینان بخش ہے۔

دوسری جانب پنجاب حکومت نے بھی فوجی دستوں کو واپس بھیجنے کیلئے وزارت داخلہ کو مراسلہ لکھ دیا، فوجی دستے 9 مئی کے واقعات کے بعد تعینات کیے گئے تھے، پنجاب کی جانب سے مراسلے میں کہا گیا ہے کہ فوجی دستوں کو فوری واپس بلایا جائے۔

50% LikesVS
50% Dislikes

اپنا تبصرہ بھیجیں